Пишпÿлек больницине ҫӗнӗ медоборудовани килнӗ

#наци проекчĕ

«Ҫемье» наци проекчӗпе килӗшӳллӗн Пишпÿлек районӗнчи тӗп больница хальхи медицина оборудованийӗ илнӗ. Врач арсеналӗнче реаниматологпа анестезиологӑн куҫарса çÿремелли кравать ҫумӗнчи мониторӗ.

Ку вӑл васкавлӑ медицина пулӑшӑвӗ панӑ чухне, анестези ирттернӗ вӑхӑтра тата операци хыҫҫӑнхи тапхӑрта пациентсен сывлӑхӗн пурнӑҫри пӗлтерӗшлӗ кӑтартӑвӗсене сӑнамалли тата тӗрӗслемелли, ҫавӑн пекех йывӑр чирлисене сӑнамалли нумай функциллӗ пысӑк технологиллӗ хатӗр. Хатӗр пациентсене вӑхӑтра пулӑшу пама, пахалӑхлӑ сиплевпе тивӗҫтерме май парӗ.

— Ҫакӑн пек хальхи аппарат пурри — пирӗн пӗтӗм больницашӑн пӗлтерӗшлӗ пулӑм. Халӗ тухтӑрӑн пациент сывлӑхне чӑн вӑхӑтра май килнӗ таран тӗрӗс сӑнлама май пур, ҫакӑ хӑвӑрт та тӗрӗс йышӑнусем тума питӗ кирлӗ. Эпир васкавлӑ, терминаллӑ лару-тӑру аталанас хӑрушлӑха маларах тупса палӑртма, йывӑр лару-тӑрура тухӑҫлӑрах пулӑшу пама тата, паллах, чи кӑткӑс операцисене те лӑпкӑрах ирттерме пултаратпӑр. Пирӗншӗн вӑл ҫӗнӗ оборудовани кӑна мар, пурнӑҫсене ҫӑлмалли тата районта хирурги пулӑшӑвӗ памалли пахалӑха ӳстермелли чӑн-чӑн инструмент, — палӑртнă Марат Абдуллин тӗп врач.

Сăнÿкерчĕкĕ: Пишпÿлекри тĕп больницан социаллă сетьри страницинчен.

https://vk.com/bizhbulikcrb