Пушкӑртстан ҫемйи ял историне ӑнӑҫлӑ турбизнеса ҫавӑрнӑ

#наци проекчĕ

Пушкӑртстан Республикинче «Туризм тата тараватлӑх» наци проекчӗпе килӗшӳллӗн патшалӑх субсиди илме конкурс пуҫланнӑ. Ҫак пуҫару предпринимательсене туризм инфратытӑмне аталантарма укҫа-тенкӗ енчен пулӑшу илме чӑн май парать. Пушкӑртстанри Краснокама районӗ ҫак программӑпа регионти туризм объектне тума усӑ курнин ӑнӑҫлӑ тӗслӗхне кӑтартать ӗнтӗ.

Николо-Березовка историллӗ ялта хӑна ҫурчӗн хуҫисен Андрейпа Дмитрий Иващенкӑн ҫемье бизнесӗ патшалӑх пулӑшӑвӗпе тухӑҫлӑ усӑ курнин ҫутӑ тӗслӗхӗ пулса тӑнӑ. Пӗлтӗр, нацпроект пулӑшнипе, вӗсем районшӑн хӑйне евӗрлӗ проект пурнӑҫа кӗртнӗ: хӑлха илтмен ҫынсене тӗллевленӗ инклюзивлӑ туризм маршручӗ йӗркеленӗ.

Халӗ начар илтекен хӑнасем Николо-Березовка паллӑ вырӑнӗсем тӑрӑх ятарласа хатӗрленӗ специалистсемпе пӗрле илӗртӳллӗ экскурсисемпе киленме пултараҫҫӗ. Предпринимательсем тунӑ ӗҫ ҫинче чарӑнса тӑман: хӑна ҫурчӗ ҫумӗнче туризм оборудованийӗсем тара илмелли пункт уҫнă, вӑл SUP-бордсем, спортпа туризм киммисем-байдаркӑсем тата ытти хатӗр-хӗтӗр сӗнет. Пур маршрут та инклюзивлӑ ушкӑнсем валли кӑна мар, хастар кану шыракан ахаль туристсем валли те пур.

Хӑна ҫурчӗ хастар аталанать: кану базин территорине тирпей-илем кӗртесси вӗҫленет, кӗҫех юнашар пейнтбол вылямалли оборудованиллӗ площадка пулӗ. Хӑнасем халӗ ӗнтӗ комплексӑн мӗнпур пулӑшӑвӗпе тата хальхи прокат пункчӗпе усӑ курма пултараҫҫӗ.

Сӑнӳкерчӗкĕ: Краснокама район администрацийӗ.

https://mgazeta.com/news/natsproekty/2026-05-22/semya-iz-bashkirii-prevratila-istoriyu-sela-v-uspeshnyy-turbiznes-4695676