Пушкӑртстан каллех «Астӑвӑм сачӗн» топӗнче: 3 млн йывӑҫ тата 117 пин волонтер

#наци проекчĕ
Пӗтӗм тӗнчери «Астӑвӑм сачӗ» экологипе патриотла акци сезона пӗтӗмлетнӗ. Пушкӑртстан Республики ҫӗршыври проекта чи тухӑҫлӑ хутшӑнакансенчен пӗрин ятне каллех ҫирӗплетнӗ — кун пирки ПР Вӑрман хуҫалӑх министерствин пресс-службинче пӗлтернӗ.
Федераци йӗркелӳҫисем пӗлтернӗ тӑрӑх, регион лартнӑ йывӑҫсен шучӗпе Раҫҫейре иккӗмӗш вырӑн йышӑннӑ: сезонра кунта 3 миллион калча тата хунав тухнӑ.
Унсӑр пуҫне Пушкӑртстан йӗркеленӗ площадкӑсен шучӗпе малти тӑватӑ вырӑна кӗнӗ — «симӗс палӑксене» 273 вырӑна антарнӑ. Малта Кузбасс (651), Краснодар крайӗ (344) тата Саратов облаҫӗ (319) ҫеҫ.
ПР вӑрман хуҫалӑхӗн министрӗ Марат Шарафутдинов площадкӑсене тухнисене пурне те тав тунă: «117 пин ентеш историлле астӑвӑм тата экологи яваплӑхӗ вӗсемшӗн сӑваплӑ пулнине кӑтартса пачӗ. Эпир вуншар ҫул ӳсекен чӗрӗ мемориалсем турӑмӑр. Пӗрлӗхре — пирӗн тӗп вӑй».
«Астӑвӑм садне» яланхи пекех «Экологи ырлӑхӗ» нацпроект шайӗнче ирттереҫҫӗ.

Сăнÿкерчĕкĕ: ПР Вӑрман хуҫалӑх министерствин пресс-служби.
https://mgazeta.com/articles/natsproekty/2026-06-15/bashkortostan-snova-v-tope-sada-pamyati-3-mln-dereviev-i-117-tysyach-volontyorov-4720243