Ҫемье канмалли кун Пушкӑртстанра 15 пин ытла ҫын пухнӑ

#наци проекчĕ
Пушкӑртстан Республикинче Раҫҫейри Çамрӑксен кунне халалласа республикӑри ҫемье канмалли кун иртнӗ. Хуласемпе районсенчи площадкӑсем 6 514 ҫемьерен 15 268 ҫынна пӗрлештернӗ. Мероприятие «Ҫемье» наци проекчӗпе килӗшӳллӗн йӗркеленӗ, ҫемье хаклӑхӗсене ҫирӗплетме, пӗрле канма тата ӑрусем хушшинче пӗр-пӗрне ӑнланассине аталантарма тӗллев лартнӑ.
Ҫак кун ашшӗ-амӑшӗпе ачисем харпӑр бюджет никӗсӗсене пӗрле тишкернӗ, командӑра ӗҫлеме вӗреннӗ, коммуникаци заданийӗсене пурнӑҫланӑ, сывӑ пурнӑҫ йӗркин принципӗсемпе паллашнӑ. Ҫамрӑксемпе ачасем валли уйрӑм вӑйӑ тата практика площадкисем ӗҫленӗ, унта хӑйсене ҫӗнӗ форматсемпе тӗрӗслесе пӑхма, тавҫӑрулӑх кӑтартма, пӗр шухӑшлӑ ҫынсене тупма май пулнӑ.
Ашшӗ-амӑшӗпе ачисене пӗр-пӗрне лайӑхрах ӑнланма, калаҫса татӑлма, пӗрле йышӑнусем шырама пулӑшакан ҫемье заданийӗсем уйрӑмах кӑсӑклантарнă. Шӑпах ҫакӑн пек ансат пӗрлехи ӗҫсенче ҫывӑх ҫынсене илтме, пӗр-пӗрне пулӑшма пӗлни йӗркеленет.

Ҫӑлкуҫ: Пушкӑрт Республикин Çемье, ӗҫ тата халӑха социаллӑ хӳтлӗх министерстви.
Сӑнÿкерчӗкĕ: Олеся Вильданова (UfaTime.ru)

https://contenta.info/press_releases/1338785#scroll