Пушкӑртстанри Киги районӗнче ача садне тӗпрен юсӗҫ

#наци проекчĕ
Тури Киги ялӗнче «Солнышко» 1-мĕш ача садне ҫӗнетес енӗпе анлӑ ӗҫсем пуҫланнӑ. Тӗп юсава «Ҫемье» наци проектне пурнӑҫланӑ май ирттереҫҫӗ. 40 ҫул ытла каялла туса лартнӑ ҫурта ҫӗнетме 31 млн тенкӗ ытла уйӑрнӑ.
Проект тӗллевӗ — шкул ҫулне ҫитменнисене аталантарма тӗпрен ҫӗнӗ, хӑтлӑ тата хӑрушлӑхсӑр условисем туса парасси. Объектра ӗҫ вӗресе тӑрать ӗнтӗ: строительсем кивӗ пӳлĕмсене, алӑк блокӗсене, чӳречесене тата кивелнӗ хутса ӑшӑтмалли тытӑма сӳтеҫҫӗ. Унпа пӗрлех урай сийӗсене улӑштараҫҫӗ, стенасене гипсокартонпа витеҫҫӗ.
Палӑртмалла: учреждение комплектлас ыйтӑва татса панӑ ӗнтӗ: ҫӗнӗ оборудовани илсе килме кирлӗ контрактсене пурне те алӑ пуснӑ. Ӗҫсем ҫирӗп графикпа пыраҫҫӗ, объекта палӑртнӑ вӑхӑтра хута яма палӑртнӑ.
https://mgazeta.com/news/natsproekty/2026-07-01/v-kiginskom-rayone-bashkirii-kapitalno-otremontiruyut-detskiy-sad-4737713