Пушкӑртстанри Балтачă районӗнчи ҫул ҫинче ҫӗнӗ виткӗҫ сарма тытӑннӑ

#наци проекчĕ

Пушкӑртстанри Балтачă районӗнче Бураево — Старобалтачево — Куеда ҫула малалла юсаççĕ. Ӗҫсем «Пурнӑҫ валли инфраструктура» наци проекчӗпе килӗшӳллӗн пыраҫҫӗ.

Староямурзино ялӗ ҫывӑхӗнчи пилĕк ҫухрӑм тӑршшӗ участокра кивӗ сие фрезерланӑ, тикӗслекен сий тунӑ, ҫӗнӗ асфальт-бетон сийне сарма тытӑннӑ. Кун хыҫҫӑн ҫул-йӗрҫӗсем ҫул хӗррисене ҫирӗплетӗҫ, паллӑсем тӑвӗҫ.

– Бураево — Старобалтачево — Куеда ҫулӗ — республикӑн ҫурҫӗр пайӗнчи пӗлтерӗшлӗ транспорт артерийӗ. Вӑл виҫӗ района ҫыхӑнтарать: Балтачă, Бурай тата Татышлă. Ҫавӑн пекех вӑл Пушкӑртстанпа Пермь крайӗ хушшинче транспорт ҫыхӑнӑвне тивӗҫтерет. Кунсерен ун тӑрӑх виҫӗ пин ытла автомобиль иртет, — каласа кӑтартнă Пушкӑртстан Республикин транспорт тата ҫул-йӗр хуҫалӑх министрӗн пӗрремӗш ҫумӗ Виктор Жульков.

Юсав графикпа пырать. Пур ӗҫе те 2026 ҫул вӗҫлениччен вӗҫлеме палӑртнӑ.

https://mgazeta.com/news/natsproekty/2026-07-01/na-doroge-v-baltachevskom-rayone-bashkirii-pristupili-k-ukladke-novogo-pokrytiya-4737747