Лизинг компанийӗ Уфари клиникӑна медоборудование ҫӗнетме пулӑшнӑ

#наци проекчĕ

«Эффективлӑ тата конкурентлӑ экономика» нацпроект шайӗнче Пушкӑртстанри регионти лизинг компанийӗ Уфари «Клиники Загидуллина Рината Амировича» валли хальхи йышши оборудовани туянма укҫа-тенкӗ уйӑрнӑ. Килӗшӗвӗн пӗтӗмӗшле сумми 3,4 млн тенке яхӑн пулнӑ, унпа медучреждени медицина видеосистемипе лазер установки туяннӑ.

Республикӑн предпринимательлӗхпе туризм министрӗ Светлана Верещагина медтехникӑна ҫӗнетесси ҫӗнӗ ҫынсемшӗн те, тахҫантанпах ӗҫлекен клиникӑсемшӗн те ҫивӗч тӗллев пулса юлнине, лизинг вара кун пек чухне пӗр хутчен пысӑк финанс тиевӗнчен хӑтӑлма май паракан оптималлӑ хатӗр пулнине палӑртнă.

Ҫӗнӗ оборудовани клиникӑна ӳт патологийӗсене малтанхи тапхӑрта тупса палӑртма, ҫавӑн пекех терапи, эстетика тата хирурги процедурисем ирттерме май парӗ. Ҫакӑ пациентсене йышӑнмалли пахалӑхне ӳстерессе, пулӑшу ӗҫӗсен прайс-листне анлӑлатасса, компанин уйӑхри тупӑшне ӳстерессе кӗтеҫҫӗ.

Клиника директорӗ Ринат Загидуллин лизинг схеми медицина пулӑшӑвӗсен переченьне анлӑлатма тата тӗрӗсрех диагностика тума май панине ӑнлантарнă, ҫакӑ чирсене иртерех тупса палӑртассишӗн те, пациентсемшӗн сервиса лайӑхлатассишӗн те пӗр пекех пӗлтерӗшлӗ.

Сӑнӳкерчӗкĕ: ПР правительствин пресс-центрӗ.

https://mgazeta.com/articles/natsproekty/2026-08-10/lizingovaya-kompaniya-pomogla-ufimskoy-klinike-obnovit-medoborudovanie-4777156