Пушкӑртстанра 42 шкула ҫӗнетеҫҫӗ, вӗсенчен 36 кӑҫал хута яраççĕ

#наци проекчĕ

Пушкӑртстан Пуҫлӑхӗ Радий Хабиров регионти вӗрентӳ учрежденийӗсене анлӑ ҫӗнетни пирки пӗлтернӗ. «Ҫамрӑксемпе ачасем» нацпроекта тата «Ҫӗнӗ шкул» парти проектне пурнӑҫа кӗртнипе харӑсах 42 шкула йӗркене кӗртеҫҫӗ, вӗсенчен 36 кӑҫал хута ярӗҫ. Ҫак объектсен строительство хатӗрлӗхӗ 97% яхӑн ҫитет.

Комплекслӑ ҫӗнетӳ шкул ҫурчӗсен пур енне те пырса тивнӗ: ҫивиттисенчен, фасадсемпе чӳречесенчен пуҫласа инженери коммуникацийӗсемпе шалти капӑрлӑх таран. Республикӑри тӗрлӗ хуласемпе районсенче 20 пине яхӑн шкул ачи улшӑннине туйӗ.

Инфратытӑма ӳт-пӳ енчен ҫӗнетнисӗр пуҫне модернизациленӗ шкулсенче вӗренӳ мелӗ те улшӑнать. Ҫӗнӗ профильлӗ классемпе хушма кружоксем уҫӑлаҫҫӗ, библиотекӑсем хальхи туртӑм центрӗсем пулса тӑраҫҫӗ, физкультура урокӗсем вара чӑннипе интереслӗ те илӗртӳллӗ пулса тӑраҫҫӗ.

Радий Хабиров шкулсене ҫӗнетмелли программӑна Владимир Путин президентӑн чи тухӑҫлӑ пуҫарӑвӗсенчен пӗри тесе шутланине палӑртнă. Пӗлтӗр программӑна ача сачӗсемпе колледжсене кӗртсе анлӑлатнӑ. Хальхи вӑхӑтра республикӑра ултă ача сачӗ тата вӑтам професси пӗлӗвӗ паракан ултă учреждени юсанать.

Сӑнӳкерчӗкĕ: Радий Хабировӑн социаллă сечӗсем.

https://mgazeta.com/news/natsproekty/2026-08-14/v-bashkortostane-moderniziruetsya-42-shkoly-36-iz-nih-budut-sdany-uzhe-v-etom-godu-4781581