+11 °С
Ясно
Наци проекчĕсем
19 Августа , 08:35
Пушкӑртстанри пыл хурчӗсем Иордани утарӗсене парӑнтараҫҫӗ
#наци проекчĕ
Пушкӑртстанри пыл хурчӗсем Иордани утарӗсене парӑнтараҫҫӗ
#наци проекчĕ
Пушкӑртстанран Иордание пушкӑрт ӑрачĕн 250 ама пыл хурчӗ вӗҫсе кайнӑ тесе пӗлтернĕ Раççей ял хуçалăх надзорĕн регионти управленийӗнче.
ПР Раççей ял хуçалăх надзорăн енӗпе ӗҫлекен управленийӗн ӗҫченӗсем Иордание экспорт партине пушкӑрт ӑрачĕн 250 ама хурт-хӑмӑр тата пыл хурчӗ ӑсатнине тӗрӗсленӗ. Авиатранспортпа турттармалли ятарлӑ контейнерсене вырнаҫтарнӑ хурт-кӑпшанкӑсем ӑсатас умӗн тӗпчевсемпе экспертизӑсен комплексне иртнӗ.
Ама вӗлле хурчĕсемпе пыл хурчӗсем аккредитациленӗ ветеринари лабораторийӗнче хӑрушӑ инфекци тата инвази чирӗсене сирме лаборатори тӗпчевӗсем иртнӗ.
«2025 ҫулта Пушкӑртстанран Иордание 200 вӗлле хурчӗ экспортланӑ. Вӗсем Иорданин шӑрӑх та типӗ климатне ӑнӑҫлӑ хӑнӑхнӑ, пысӑк ӗҫлев кӑтартнӑ. Хурт-хӑмӑр экспортне Раççей ял хуçалăх надзорĕ турттарма ирӗк панӑ. Ку вӑл 2026 ҫулта Пушкӑртстанран ют ҫӗршыва ӑсатнӑ пушкӑрт пыл хурчĕсен пӗрремӗш партийӗ. Вӗлле хурчӗсене экспортлама пӗтӗм тӗнчери 5а формӑллӑ ветеринари сертификатне панӑ», — хушса хунă ПР Раççей ял хуçалăх надзорĕн енӗпе ӗҫлекен управленийӗнче.
Сӑнӳкерчӗкĕ: Пресс-служба | ПР Раççей ял хуçалăх надзорĕ.
Пушкӑртстанри пыл хурчӗсем Иордани утарӗсене парӑнтараҫҫӗ
