Пушкӑртстанри Краснокама районӗнче 35 ял валли шыв пӑрӑхӗ тӑваҫҫӗ

#наци проекчĕ
Краснокама районӗнчи Куяново тата кӳршӗллӗ ялсенче пурӑнакансемшӗн тахҫанхи ыйтусенчен пӗри шывпа тивӗҫтересси юлнӑ. Шыв пӑрӑхӗн пӗртен-пӗр турачӗ тиеве чӑтайман, уйрӑмах ҫуллахи шӑрӑхра тата пушар тухас хӑрушлӑх тапхӑрӗнче. Ыйтӑва татса пама Владимир Путин президент пӗчӗк ялсенчи кивелнӗ сетьсене ҫӗнетме пуҫарнӑ «Коммуналлӑ инфраструктурӑна çӗнетесси» федераци проекчӗ пулӑшать.
Пушкӑртстан Пуҫлӑхӗ Радий Хабиров каланӑ тӑрӑх, республика заявка кампанине хастар хутшӑнать: халӗ темиҫе теҫетке объектра пӗр вӑхӑтрах ӗҫсем пыраҫҫӗ. Краснокама районӗнче 43,6 километр тӑршшӗ «Насусная Уразаево – Киреметево» ҫӗнӗ магистраль шыв пӑрӑхне тӑваҫҫӗ. Вӑл ултӑ ял канашӗнчи 35 яла пӗр чарӑнмасӑр шывпа тивӗҫтерӗ.
Регион пуҫлӑхӗ ҫакӑ ҫынсемшӗн питӗ пӗлтерӗшлӗ пулнине палӑртнă: тӗп нушасене – шывра, ӑшӑра, хӑрушсӑрлӑхра – татса памасӑр малашнехи аталану пирки калама май ҫук.
Сӑнӳкерчӗкĕ: Радий Хабировӑн социаллă сечӗсем.
https://mgazeta.com/news/natsproekty/2026-08-19/v-krasnokamskom-rayone-bashkirii-stroyat-vodovod-dlya-35-sel-i-dereven-4787158