Пушкӑртстанра федераци укҫипе «Журавленок» пултарулӑх центрне йӗркелӗҫ

#наци проекчĕ
Раҫҫей Культура министерстви регионсене 2027 ҫулта субсиди илме конкурс суйлавне пӗтӗмлетнӗ. «Ҫемье» ҫӗнӗ наци проекчӗн пӗр пайӗ шутланакан «Ҫемье хаклӑхӗсемпе культура инфратытӑмӗ» федераци проекчӗпе килӗшӳллӗн укҫа-тенкӗ уйӑраҫҫӗ.
Пулӑшу илнӗ проектсенчен пӗри Пушкӑртстанри Чишма районӗнчи «Журавленок» ача-пӑча культурӑпа ҫутӗҫ центрӗ пулӗ. Вӑл 2027 ҫулхи авӑн уйӑхӗнче Культура керменӗнчи районти ача-пӑча библиотекинче уҫӑлӗ.
Ҫӗнӗ уҫлӑха ачасемпе ашшӗ-амӑшӗсемшӗн универсаллӑ туртӑм пӑнчи пек тума шухӑшланӑ. Центрӑн тӗп уйрӑмлӑхӗ — пултарулӑх фольклор концепцийӗ. Ҫамрӑк ҫынсене тӑван тӑрӑхри халӑх йӑли-йӗркипе, ал ӗҫӗсемпе тата сӑмах вӗҫҫӗн тунӑ пултарулӑхпа вӑйӑ мелӗпе паллаштарӗҫ. Унсӑр пуҫне кунта хӑтлӑ пулма условисем пулӗҫ: ашшӗ-амӑшӗ ачине хӑйсем Культура керменĕн мероприятийӗсене хутшӑннӑ е харпӑр ӗҫӗсене татса панӑ вӑхӑтра пӑхса хӑварма пултарӗ.
— Пирӗн районшӑн ку тахҫантанпах кӗтнӗ, чӑннипе те пӗлтерӗшлӗ пулӑм. «Журавленок» библиотека кӑна мар, ачасемпе ашшӗ-амӑшӗшӗн чӑн-чӑн туртӑм центрӗ пулса тӑрӗ, — палӑртнă Чишма район библиотекин директорӗ Илюза Габидуллина. — Фольклор концепцийӗ ҫитӗнекен ӑрӑва тӑван культурӑна, йӑла-йӗркене, историе юратма май парӗ.
Организаци ертӳҫи центр районти пӗтӗм культура пурнӑҫӗшӗн ӳсӗм пӑнчи пулассине палӑртнă.

Сӑнӳкерчӗкĕ: Чишма район администрацийӗ панӑ.
https://mgazeta.com/news/natsproekty/2026-09-23/v-bashkirii-na-federalnye-sredstva-sozdadut-tvorcheskiy-tsentr-zhuravlyonok-4823671