Пишпÿлек районĕнче Паллă мар салтак кунĕ митингсем пулнă

Пишпÿлекри Ҫӗнтерӳ паркӗнче Паллӑ мар салтак кунне халалланӑ савӑнӑҫлӑ митинг пулса иртрӗ.

Савӑнӑҫлӑ церемоние районти ветеранӗсен Канашӗн председателӗ Р.М. Ибраев, ветерансен Канашӗн председателӗн заместителӗ Е.И.Андреева, Пишпÿлекри музей пӗрлешӗвӗн директорӗ Р.Г. Иванова, Е.Г. Ганиева ертсе пынă культура волонтерӗсем, «Единая Россия» парти майлисем, Пелепейри механизаципе электрификаци колледжĕн Пишпÿлекри филиалĕнче вĕренекенсем, ҫамрӑксен общество пӗрлешӗвӗсен хастарӗсем хутшӑнчӗҫ: Ҫӗнтерӳ волонтерӗсем, "Ҫамрӑк Гварди" хастарӗсем, юнармейецсем, Пишпÿлекри 2-мĕш вăтам шкулта вĕренекенсем хутшăнчĕç. Мероприятие хутшӑнакансем ҫар тивӗҫне пурнӑҫланӑ чухне пуçне хунă ентешсене асӑнса пӗр самант шӑп тăчĕç, чӗрӗ чечексем хучĕç.

— Эпир, ҫамрӑк ӑру, пирӗн халӑхӑн паттӑрлӑхне яланах асра тытӑпӑр. Тӑван ҫӗршывшӑн ҫапӑҫакансене нихӑҫан пӗтми тав тӑвас туйӑм пирӗн чӗрере яланлӑхах юлӗ. Эпир аслӑ ӑрăва тивӗҫлӗ пулӑпӑр тата хамӑрӑн ачасемпе мӑнуксене паттӑрӗсем ҫинчен ҫутӑ асаилÿ парса асӑнӑпӑр, — теççĕ çамрăксем.

Районти ытти ял тăрăхĕсенче те митингсем иртнĕ, чечексем хунă.

Сăнÿкерчĕкĕсем: çамрăксен «Вектор» центрĕн социаллă сетьри страницинчен.

#ДеньНеизвестногоСолдата
#3декабря