Мемориаллă хӑмасем уҫнӑ

Пелепейри механизаци тата электрификаци колледжӗн Пишпÿлекри филиалӗнче ятарлӑ ҫар операцийӗ ирттернӗ зонӑра пуçне хунă салтаксене Рамзаль Нафиковпа Александр Кузьмина асăнса мемориаллă хӑмасем уҫнӑ ятпа чаплӑ митинг иртнӗ. Мероприятие воинсен ҫывӑх тӑванӗсем, администраци, общественность, Пишпÿлек ялӗн учрежденийӗсен представителӗсем, колледжăн преподавателĕсемпе вӗренекенĕсем хутшăннă. Пирӗнтен кашниех хамӑр ентешсен паттӑрлӑхне асра тытмалла, кунта чӑн-чӑн геройсем вӗреннине, вӗсем хӑйсен пурнӑҫне Тӑван çӗршывшӑн панине асра тытмалла.

Сăнÿкерчĕкĕсем: Пишпÿлекри музей пӗрлешӗвӗн социаллă сетьри страницинчен.