Пишпÿлекре Çапӑҫусен ветеранӗсен кунне халалласа митинг иртнĕ

Июлӗн 2-мӗшӗнче Пишпÿлекре Çапӑҫусен ветеранӗсен кунне халалласа митинг пулнă.
Асӑну мероприятине ҫапӑҫусен ветеранӗсем, район ҫыннисем, общество организацийӗсен тата ҫамрӑксен представителӗсем хутшӑннă. «Вектор» ҫамрӑксен центрӗн специалисчӗсем «Ҫамрӑк Гварди» хастарӗсемпе пӗрле геройсене чыслама, ветерансене хӑйсен паттӑрлӑхӗшӗн, хастарлӑхӗшӗн тата ҫар тивӗҫне парӑннӑшӑн чун-чӗререн тав тума митинга хутшӑннă.
Мероприятин хисеплӗ хӑнисем Ставрополь крайӗнчи Железноводск хулин представителӗсем пулнă, вӗсем те митингра тата асӑнмалӑх вырӑна чечексем хума хутшӑннă.
Мероприятие хутшӑнакансем хушшинче ҫамрӑк армеецсем те пулнӑ, вӗсем историлле асаилӗве упраса хӑварасси, ҫамрӑксене патриотла воспитани парасси тата Тӑван çӗршыв хӳтӗлевҫисен паттӑрлӑхне хисеплесси пӗлтерӗшлӗ пулнине палӑртнӑ.
Митинг асаилӳ, хисеп тата пӗрлӗх атмосферинче иртнӗ, пӗр минут шӑп тӑнипе тата ҫапӑҫу ветеранӗсене тата хӑйсен ҫар тивӗҫне чыслӑ пурнӑҫлакансене халалласа чечексем хунипе вӗҫленнӗ.

#ДеньВетерановБоевыхДействий
#МыПомним
#Память
#НиктоНеЗабыт
#МолодаяГвардия
#Бижбулякскийрайон

Сăнÿкерчĕкĕсем: Пишпÿлекри çамрăксен «Вектор» центрăн социаллă сетьри страницинчен.
https://vk.com/club43415916