Республикӑна инвестици хывӑвӗсен ҫулленхи калӑпӑшне 650 миллиард тенке ҫитерме палӑртнӑ

Патшалӑх Пухӑвӗн парламенчӗн аллӑ иккӗмӗш ларӑвӗнче ПР Премьер-министрӗ Андрей Назаров Пушкӑртстан Правительствин 2022 ҫулта тунӑ ӗҫ-хӗл итогӗсем ҫинчен доклад тунă.

Пушкӑртстанра уйрӑм экономика зонин территорине анлӑлатма пуҫланӑ. Тырӑ пухса кӗртнӗ хыҫҫӑн тирпейлемелли оборудовани туса кӑларакан завод тума пуҫланӑ. Ку ӗҫе Уфари индустри паркӗн площадкинче Беларуç "Амкодор" компанийӗпе пӗрле тăваççĕ. Вӗсене июнь уйӑхӗнче хута яма палӑртнӑ. Ӑна Раҫҫейпе Беларуç регионӗсен юбилей форумне халалланă. Андрей Назаров та офсет контракчӗн условийӗсенче коммуналлӑ техника туса кӑларас енӗпе "Амкодор" компанин 2-мӗш завочӗ туса лартасси ҫинчен пӗлтернӗ.

Пӗтӗм регион умӗнче инвестици климачӗн тӑрӑмӗн наци рейтингӗнче виҫӗ регион-лидерне кӗресси тӗллев тӑрать. Республикӑна инвестици хывӑвӗсен ҫулленхи калӑпӑшне 650 миллиард тенке ҫитерме палӑртнӑ.

Республика преференциллӗ зонӑсем пысӑк кирлине Пушкӑрт Республикин Правительствин Премьер-министрӗн пӗрремӗш заместителӗ - ПР экономика аталанӑвӗпе инвестици политикин министрӗ Рустам Муратов тӗплӗнрех каласа панӑ. Вӑл инвесторсен ку инструментра пысӑк интереслӗх пуррине палӑртнă. Ҫапла 2022 ҫулта регион ТОР 29 резидента 14,5 миллиард тенкӗлӗх проект регистрациленӗ тата 2,8 пин ҫӗнӗ ӗҫ вырӑнӗ йӗркеленӗ.

– Пирӗн резидентсене республика экономикине 7,6 миллиард ытла тенкӗ хывнӑ, 5 пин ытла ӗҫ вырӑнӗ йӗркеленӗ. Кӑҫал регион ТОР тата 17 ҫӗнӗ инвестор явӑҫтарма палӑртатпӑр. Ҫулталӑк пуҫламӑшӗнчен пуҫласа ТОР резиденчӗсен реестрне Пушкӑртстанран 5 компани кӗртнӗ, - палӑртнă Рустам Муратов.

Информаци тата сăнÿкерчĕк ҫӑлкуҫӗ: https://pravitelstvorb.ru/news/20602/