Пишпÿлек районӗнче СВОна хутшăнакансен пулӑшу фончӗн социаллӑ координаторне лартнă

Пишпÿлек районӗнче СВОна хутшăнакансен пулӑшу фончӗн социаллӑ координаторне лартнă. Вăл Рамиль Гусманович Мухтасимов пулса тăнă. Хӑйӗн ӗҫне вӑл нумаях пулмасть пуҫланӑ пулин те, ун ҫине пысӑк тивӗҫсем хунӑ, координаторсен тӗп тӗллевӗ - СВОна хутшӑнакансемпе ветеранĕсене, ҫавӑн пекех вӗсен ҫемйисене пур майпа та пулӑшасси. Хӑйӗн ӗҫӗн малтанхи çитĕнĕвĕсем ҫинчен вӑл паян районти предприятисемпе организацисен ертӳҫисен эрнекунхи канашлӑвӗнче каласа панă. Докладчика итленӗ хыҫҫӑн район администраци пуҫлӑхӗ Артур Зарипов ҫар ҫыннисен реабилитацийӗ тӑвас тӗлӗшпе социаллӑ координатор ролӗ пысӑк пӗлтерӗшлӗ пулнине, вӗсем киле таврӑннӑ май ку пĕлтерĕш ӳснӗҫемӗн ӳссе пынине палӑртнă.

Сăнÿкерчĕкĕ: Пишпÿлек район администрацин социаллă сетьри страницинчен.
https://vk.com/officialbiz