Пушкӑртстанра сентябрьти пысӑк суйлав кандидачӗсене тăратнин пӗтӗмлетӗвӗсене сӳтсе яврӗҫ

Тунтикун ,августӑн 16-мӗшӗнче, Общество штабӗн ларӑвӗ анлӑ ларăвĕ иртнĕ, унта демократи проблемисене тӗпчев Фондӗн докладне «Итоги этапа выдвижения на выборах в 2021 году 2021» сÿтсе явнă. Ăна кандидатсене тӑратмалли пӗтӗмлетӳ тӑрӑх демократи проблемисене тӗпчев Фончӗ туса хатӗрленӗ.

Мероприятие Пушкӑртстанри Общество штабӗн суйлавсене тӗрӗслесе тата сӑнаса тӑракан членсем, ПР Суйлав комиссийӗн представителӗсем, экспертсем, общество хастарӗсем, МИХ представителĕсем  хутшӑнчӗҫ.

ПР Общество Палати ҫумӗнчи суйлавсене сӑнас енӗпе Общество штабӗн председателӗ, Раҫҫей Общество Палатин членӗ Ольга Панчихина уйрӑмах ҫакна палӑртрӗ: демократи проблемисен Фондне тӗпчевӗсем юлашки ҫулсенче пур шайри суйлавсен конкурентлӑхӗ ӳсни палӑрать. Ҫавнашкал тенденци, çав шутра РФ Патшалӑх Думине тата регионсен аслӑ должноҫри ҫынсен суйлавӗсем тӗлӗшпе те, палӑрать.

Тӗпчевӗн тӗп пӗтӗмлетӗвӗсене каласа тухнӑ хыҫҫӑн Ольга Панчихина ҫавӑн пекех парти кандидатсене йышлӑрах та нумайрах тӑратни ҫинчен тата ултӑ ҫул каялла суйлавҫӑсене вӑтамран 353 кандидат сӗнни ҫинчен палӑртнӑ, 2021 ҫулта ҫак цифра 420 кандидат таран ӳснӗ. Пӗр мандатлӑ округсем тӑрӑх 2016 ҫулта парти вӑтамран 97 кандидат кӑларнӑ, 2021 ҫулта вӗсен йышӗ 141 таран ӳснӗ. Парти списокӗсем тӑрӑх 2016 ҫулта вӑтамран 256 ҫынна, 2021 çулта-279 регистрациленӗ.

«МГ» информацийĕпе.