Йăлпăлаксем ППМИ хутшăнасшăн

Декабрӗн 7-мӗшӗнче Йăлпăлакра вырӑнти пуҫарусене пулӑшмалли программӑна хутшӑнмашкӑн малтанхи пуху йӗркеленӗ.

Ҫак пухура Пишпӳлек ял Совечĕ ял тӑрӑхӗн пуҫлӑхӗ Александр Семенов Пушкӑртстан Республикинче вырӑнти пуҫарусемпе (вырӑнти пуҫарусене — ППМИ пулӑшӑвӗн проектне) йӗркеленӗ общество инфратытӑмне аталантармалли проектсене пурнӑҫлани ҫинчен тата унта хутшӑнма май пурри ҫинчен пӗлтернӗ.

Йăлпăлакра чи малтан татса памалли проблемӑна (проекта) хутшӑнмалли сĕнÿсене пӑхса тухнӑ, анкетизациленӗ тата йышӑну тунӑ: чи малтан татса памалли ыйтӑва (проекта) пӗтӗмлетӳ пухӑвӗнче сасӑлав валли туса хурӗҫ.

Сасӑлав анкетӑлани витӗр пулать. Çавна май ял çыннисем патне ялти хастарсем килӗҫ. Сасӑлава пурне те хастар хутшӑнма ыйтаççĕ.

Пишпÿлек ял Совечĕ ял тăрăхĕн социаллă сетьри страницинчен.