Хурлӑхлӑ хыпар

Пушкӑрт армрестлингӗн ашшӗ, чемпионсен вӗрентекенӗ - Онанашвили Гоча Константинович вӑхӑтсӑр пурнӑҫран уйрăлнă.
"Батыр" клуб историйӗнче ҫутӑ страницӑсем сахал мар. Унӑн воспитанникӗсем пӗтӗм тӗнчери шая тухнӑ – Германири, Польшӑри, Норвегири, Болгарири, Турцинчи, Чехославакири Европа чемпионачĕсене, Канадӑри, ЮАР, Англири, Японири, Казахстанри - тӗнче чемпионачӗсене хутшӑннӑ, чаплӑ результатсем кăтартнă.
Ҫак ҫын хӑйӗн вӑрӑм пурнӑҫӗнче тивӗҫлӗ спортсменсем нумай ҫитӗнтернӗ. Эпир ҫемьепе тата ҫывӑх ҫыннисемпе пĕрле хурланатпăр. Пишпÿлекри "Парус" спорт шкулĕн спортсменĕсен чӗринче вăл яланах юлĕ. Вĕсем ăна ялан асра тытĕç.
Сăнÿкерчĕкĕ: Пишпÿлекри "Парус" спорт шкулĕн социаллă сетьри страницинчен.