Каннăшăн - кешбэк

Раççейри кирек хăш регионта канăр та укçан пĕр пайне кэшбекпа тавăрăр. Питĕ меллĕ тата перекетлĕ вĕт!

Пуш уйăхĕн 15-мĕшĕнче туризм кэшбек прграммин тепĕр тапхăрĕ пуçланнă. Унта Чăваш Енри 13 хăна çурчĕ, отель тата санатори хутшăнать.

Программăпа килĕшÿллĕн, çул çÿревĕн икĕ çĕртен кĕскерех пулмалла мар, туршăн «Мир» карттăпа тÿлемелле. 5 кунра карточка çине тур хакĕн 20 проценчĕ, анчах 20 пин тенкĕрен ытларах мар, таврăнĕ. Программăна хутшăнас тесен тура çу уйăхĕн 1-мĕшĕччен туянмалла.

Çул çÿреве утă уйăхĕн 1-мĕшĕччен кайма юрать.

"Çамрăксен хаçачĕ" сайтран.