Пушкăртстанра эрне тăршшĕнче тăвар 23 процента хаклăланнă

Апат-ҫимӗҫ продукчӗсене хакланин мониторинг результачӗсене Пушкӑртстанстат панӑ.

Рейтингра пӗрремӗш йӗрке 23,4 процент хаклăланнă тӑвар йышӑнать. Ҫавӑн пекех сухан хакӗ 20,8 процента, купӑста — 19,2 процента, кишӗр — 13,3 процента, кӑшман — 11,2 процента ÿснĕ.

Ытти нумай продуктсен хакĕ ÿснĕ: рис—6,3 процент, ҫӗрулми—5,5 процент, банан—4,8 процент, сосиски—4,1 процент, сыр—3,5 процент, сахӑр—2,9 процент, ҫӑнӑх, чӑх, чей — 2,6 процент, макаронпа вермишель — 1,9—2,4 процент, кăлпасси —1,8—2,5 процент, хӗвелҫаврӑнӑш ҫӑвӗ — 1,7 процент, ҫӑмарта—1,5 процент.

Пĕр продукт — хӑяр кăна питӗ йӳнелнӗ, вӗсен хакĕ 10,4 процента чакнӑ. Ҫавӑн пекех помидор хакӗ — 3,6 процент, ача-пӑча аш консерви, сурăх ашӗпе пулӑ хакӗ 0,6 процент чухлӗ чакнӑ.

https://resbash.ru/news