Пушкӑртстанра депутатсем тăрăшнине пула маска режимӗпе социаллӑ дистанцие пӑснӑшӑн штрафсене пӑрахӑҫланӑ

Анчах Пушкӑртстан территорийӗнче маска режимӗ ҫаплах упранса юлать-ха.
Паян, майӑн 26-мӗшӗнче, ПР Патшалӑх Пухăвӗн - Курултайĕн депутачӗсем маска режимне пӑснӑшӑн тата социаллӑ дистанцие пӑхӑнманшӑн штрафсене пӑрахӑҫласси ҫинчен тивӗҫлӗ саккун йышӑннӑ. Парламент йышӑнӑвӗпе килӗшӳллӗн коронавирус инфекцийӗ сарӑлма пуҫласан 2020 ҫулхи ҫуркунне кӗртнӗ регион кодексӗн 13.19 статйи хӑйӗн вӑйне ҫухатнӑ тесе йышӑннӑ, 2020 ҫулхи ҫуркунне çÿллĕ хатӗрлĕх йӗрки ҫинчен калакан указа пурнӑҫламаншӑн - социаллӑ дистанципе маска режимне пӑсассишӗн яваплӑха палӑртнӑ.
"МГ" информацийĕпе.
Сăнӳкерчӗкӗ: уҫӑ ҫӑлкуҫсенчен.