«Зауралье-2022» инвестсабантуйра 200 яхăн волонтер ĕçлет

Ҫак кунсенче Пушкӑртстанри Сибайра Пӗтӗм Раҫҫейри "Зауралье-2022" IV инвестици Сабантуйӗ иртет.

Федераци тата регионти влаҫ органӗсен, Раҫҫей тата ют ҫӗршыв бизнесӗн представителӗсем, общественниксем, инвесторсем, экспертсем республикӑпа ҫӗршыв экономикине аталантарас ыйтусене сӳтсе явма Пушкӑртстанра пухӑннӑ.

Мероприятие йӗркелеме пулӑшу Уфаран, Белебейрен, Сибайран, Салаватран тата Мускавран 200 яхӑн волонтер кӳреҫҫӗ. Тулашри экономика ҫыхӑнӑвӗсен тата конгресс ӗҫ-хӗлӗн министрӗ Маргарита Болычева каланӑ тӑрӑх, юлашки ҫулсенче республикӑра волонтер юхӑмне пысӑк тимлӗх уйӑраççĕ.

«МГ» информацийĕпе.