Владимир Путин Çемье, юратупа шанчăклăх кунĕ пирки указа алă пуснă

Раҫҫей Президенчӗ Владимир Путин июлӗн 8-мӗшӗнче Çемье, юратупа шанчӑклӑх кунне йӗркелемелли указ ҫине алӑ пуснă, пĕлтерет РИА Новости.

Право информацийӗн официаллӑ интернет-порталӗнче пичетленнӗ документра ҫапла каланӑ: "йӑлана кӗнӗ ҫемьери хаклӑхсене, ачасене тата ҫамрӑксене ӑс-хакӑлпа кӑмӑл-сипет воспитанийӗ парас тӗллевпе".

Аса илтеретпӗр, июлӗн 8-мӗшӗнче православи христианӗсем кашни ҫулах Петрпа Февронин сӑваплӑ ҫыннисене асӑнса уявлаҫҫӗ. Руçьре вӗсене мӗн авалтанах ҫемьепе мӑшӑрланӑва хӳтӗлекенсем тесе шутланӑ. Святойсен пурнӑҫӗ ҫинчен авалхи вырӑсла «Повесть о Петре и Февронии Муромских» каласа парать.  

«МГ» информацийĕпе.