Пушкӑртстанра пушкӑрт тата вырӑс чӗлхипе вĕрентекен чи лайӑх 50 учитель 50 пин тенкӗ илӗ

Пушкӑртстанра пушкӑрт тата вырӑс чӗлхипе вĕрентекен чи лайӑх 50 учитель 50 пин тенкӗ илӗ. Укҫа-тенкӗпе хавхалантармалли конкурса ПР Правительствин постановленийӗпе килӗшӳллӗн дистанциллӗ ирттереҫҫӗ.
Унӑн пӗтӗмлетӗвӗсем тӑрӑх пушкӑрт тата вырӑс чӗлхисене вĕрентекен чи лайӑх 50 учитель тата преподаватель Пушкӑртстанра вӗрентес ӗҫе пысӑк тӳпе хывнӑшӑн 50 пин тенкӗ виҫепе преми илӗ.
ПР Вӗрентӳ министерствин пресс-службин информацийӗ тӑрӑх, "Пушкӑрт тата вырӑс чӗлхисене вĕрентекен чи лайӑх учительсемпе преподавательсем" конкурс ҫӗнтерӳҫисене чысламалли савӑнӑҫлӑ мероприяти октябрӗн 4-мӗшӗнче республикӑри Газиз Альмухаметов ячӗллӗ гимнази-интернатра пулӗ.
"Башинформ" информацийĕпе.
Сăнӳкерчӗкĕ: Олег Яровиков.