Пишпÿлек ял тӑрӑхӗнчи старостӑсене удостоверени панă

Октябрӗн 10-мӗшӗнче ял тӑрӑхӗн Совечӗн черетлӗ ларӑвӗнче ялсен старостисене Александр Семенов удостоверенисем панă.
Ял тӑрӑхӗн депутачӗсем хӑйсен йышӑнӑвӗпе сакӑр ял старостине палӑртнӑ. Ялти "тӗп ҫынсене" ял ҫыннисем хӑйсемех суйланă, пухăва кандидатурисене тӑратнă.
Ку статуса хисеплӗ ҫынсем илнĕ, вӗсем хӑйсен ентешӗсене тирпей-илем кӗртес, пурнӑҫлас ыйтусене тахҫанах активлӑн татса пама пулӑшаҫҫӗ:
Алексеевка старости В.И. Петров, Кĕрмеслĕ старости А.В. Егоров, Барш старости Н.Х. Гатиятуллина, Ситекпуç старости Г.В. Скоробогатова, Йăлпăлак старости А.В. Васильев, Ивановка старости С.Г. Федосеев , Кандракуль старости В.Я. Алексеев, Калиновка старости В.А. Романов.
Пишпÿлек ял тӑрӑхӗн пуҫлӑхӗ А.А. Семенов старостӑсене сӑмах хушса каланă:
- Эпир сирӗнпе пӗр команда, конструкциллӗ ӗҫлӗпӗр.
Пирӗн пӗрлехи тӗллев - халӑх интересӗсемшӗн ӗҫлесси.
Сăнÿкерчĕкĕсем: Пишпÿлек ял совет администрацин социаллă сетьри страницинчен.