Пушкӑрт муниципалитет практикисене Раҫҫейри чи лайӑххисем тесе йышӑннӑ

Пушкӑртстанри виҫӗ ял тӑрӑхне Пӗтӗм Раҫҫейри "Чи лайӑх муниципалитет практики" конкурс ҫӗнтерӳҫисем тесе йышӑннӑ, пӗлтернӗ социаллă сетьри хӑйӗн страницисенче республика Пуҫлӑхӗ Радий Хабиров.
Сӑмах Мещегарово, Зилаир тата Никола-Березовка ял советӗнче ӗҫлени ҫинчен пырать. Вӗсем "Муниципалитет пӗрлӗхӗсенче пурӑнакансемпе тухӑҫлӑ ҫыхӑну тытассине тивӗҫтересси, территорири обществӑлла хӑй тытӑмлӑха аталантарасси", "Хула строительствин политики, халӑхӑн пурнӑҫ-хӗлӗн лайӑх хутлӑхне тивӗҫтересси тата пурӑнмалли ҫурт-йӗрпе коммуналлӑ хуҫалӑха аталантарасси" тата "Нацисем хушшинчи тăнăçлăха çирӗплетесси" номинацисенче чи лайӑххисем пулса тӑнă.
Радий Хабиров каланӑ тӑрӑх, лауреатсем малалла аталанма 18 млн тенкӗ илӗҫ. Тепӗр ҫулхи апрелӗн 21-мӗшӗнче вырӑнти хӑй тытӑмлӑх кунӗнче наградӑламалли церемони иртĕ.
"Конкурсра мӗнпурӗ пилӗк номинаци, вĕсене хутшăнма 1200 заявка панă. Пирӗн республикӑн лайӑх та тивӗҫлӗ результачӗ. Ҫӗнтерӳҫӗсене саламлатӑп!",- палӑртнă Пушкӑртстан Пуҫлӑхӗ.
"Башинформ" информацийĕпе.