Владимир Путин пӗрремӗш хут "Амӑшӗ-героиня" хисеплӗ ята панӑ

Ӑна 1944 ҫулта йӗркеленӗ, юлашки хут 1991 ҫулхи ноябрӗн 14-мӗшӗнче панӑ.
Раҫҫейӗн пӗрремӗш амӑшӗсем-героиньăсем Чечен республикин пуҫлӑхӗн мӑшӑрӗ Медни Кадырова тата Ямало-Ненец автономи округӗнче пурӑнакан Ольга Дехтяренко пулнă.
"Амӑшӗ-героиня" ята парасси ҫинчен калакан указа августӑн 15-мӗшӗнче алӑ пуснӑ. Ҫак ята Раҫҫей Федерацийӗн гражданӗсем шутланакан 10 тата ытларах ача ҫуратнӑ тата воспитани панӑ хӗрарӑмсем илме пултараҫҫӗ.
Званипе пӗрле наградӑланӑ амӑшӗсем 1 миллионшар тенкӗ укçа илмелле.
"Башинформ" информацийĕпе.