Кăçал Çĕнĕ çулхи шавлă уявсем тума юраманни пирки Радий Хабиров указ кăларнине пурте пĕлеççĕ ĕнтĕ. Çапах та хуласемпе ялсенче, çав шутра Пишпÿлек районĕнче те, уява хатĕрленеççĕ. Паллах, ачасене Çĕнĕ çулхи чăрăш пурпĕр кирлĕ.
Уява хатĕрленсе ирттерме йĕркелÿ комитечĕ пухнă, унта плансене сÿтсе явнă. Çуртсене илемлетмелли срок - декабрĕн 1-мĕшĕччен. Пишпÿлекри тĕп площаде декабрĕн 15-мĕшĕччен илемлетсе пĕтермелле. Декабрĕн 10-мĕшĕччен ял тăрăхĕсенче те тĕп елка лармалла, илемлетнĕ площадкăсем пулмалла.
Ача-пăча утренникĕсем декабрĕн 25, 26, 27-мĕшĕсенче иртмелле. Учрежденисемпе организацисен, уйрăм çынсен çурчĕсене илемлетнин конкурсне 2023 çулхи февралĕн 6-мĕшĕнче пĕтĕмлетеççĕ. Плансенче чылай мероприяти пур.
Марина ИВАНОВА.
Сăнÿкерчĕкĕ: архивран.