Пушкӑрт танк взвочӗн командирӗ неонацистсен опорнӑй пунктне тӗп тунă

Ятарлӑ ҫар операцине хутшӑннӑ Пушкӑртстанри танк взвочӗн командирӗ Замир Фатеев паттӑрла ӗҫ тунӑ.

"Пушкӑрт батальонӗ" телеграм-канал пӗлтернӗ тӑрӑх, пӗр тытăçура танк взвочӗн командирӗ неонацистсен опорнӑй пунктне аркатса тӑкнӑ. Унӑн машинине виҫӗ хутчен ҫапса ҫӗмӗрнĕ. Вӑл ҫунма пуҫланă. Командир тӗп-тӗрӗс кӑтартса панипе тата ушкăн лайӑх ӗҫленипе экипаж чӗрӗ юлнă.

Ҫапӑҫура паттăрлăхпа  хӑюлӑхшӑн  Фатеев аслă лейтенанта "За отвагу" медальпе наградӑланӑ.

"Башинформ" информацийĕпе.