Радий Хабиров Пушкӑртстан ҫыннисене Раштав ячӗпе саламланă та ҫӗнӗ инвестпроект ҫинчен каласа панă

"Православи тĕнне ĕненекенсене пурне те Раштав ячӗпе саламлатӑп! Республикӑра тӗрлӗ халӑхсен тата тӗрлӗ конфессисен представителӗсем килӗштерсе пурӑнаҫҫӗ, ку питӗ пысӑк та пӗлтерӗшлӗ уяв. Пурне те ырлӑхпа тăнăçлăх сунатӑп, - тесе ҫырнӑ социаллӑ сетьсенче республика Пуҫлӑхӗ Радий Хабиров. - Паян, уяв умӗн, "Краснусольск" санаторин директорӗпе Рамиль Рафаилович Бадретдиновпа СПА-отель проектне сӳтсе яврӑмӑр, ӑна эпир Чишма районӗнчи куҫса ҫӳрекен цивилизацисен Еврази музейӗпе юнашар лартма палӑртатпӑр. Эпир ку вырӑнта туристсен пысӑк кластерне тунине эсир пӗлетӗр. Шӑпах "Краснусольск" гостиница проекчӗшӗн явап тытӗ.
Санатори хӑй те активлӑ аталанать, малашлăхне палӑртса хунӑ. Ҫӗнӗ, 2023 ҫула шанчӑкпа тата пысӑк плансемпе кӗретпӗр, вӗсене пурнӑҫлатпӑр".
"Башинформ" информацийĕпе.