2023 ҫулта Пушкӑртстанра пурӑнакансене 121 уявпа канмалли кун кӗтет

Пушкӑртстан Ĕç министерствин информацийӗ тӑрӑх, кӑҫал республикӑра пурӑнакансене 244 ĕç тата 121 канмалли тата уяв кунӗсем кӗтеҫҫӗ.
Ҫӗнӗ ҫул каникулӗпе Раштав праçникĕ хыҫҫӑн 2023 ҫулта республика территорийӗнче уяв кунӗсем шутланаҫҫӗ:
Февралӗн 23-мӗшӗ – Тӑван çӗршыв хӳтӗлевçисен кунĕ;
Мартăн 8-мӗшĕ – Пӗтӗм тӗнчери хӗрарӑмсен кунӗ;
Апрелӗн 21-мӗшӗ – Ураза-байрам;
Майӑн 1-мӗшӗ – Ҫуркуннепе Ӗҫ уявӗ;
Майӑн 9-мӗшӗ – Ҫӗнтерӳ кунӗ;
Июнӗн 12-мӗшӗ – Раҫҫей кунӗ;
Июнӗн 28-мӗшӗ – Курбан-байрам;
Октябрӗн 11-мӗшӗ – Республика кунӗ – Пушкӑрт Совет Социализмлӑ Республикин патшалӑх суверенитечӗ ҫинчен калакан декларацие йышӑннӑ кун;
Ноябрӗн 4-мӗшӗ – Халӑх пӗрлӗхӗн кунӗ.
Февраль уйӑхӗнче, Тӑван çӗршыв хӳтӗлевçисен кунĕ ячӗпе, республикӑра пурӑнакансем февралӗн 23-мӗшӗнчен пуҫласа 26-мӗшӗччен канӗҫ. Ҫавӑн пекех Ҫӗнтерӳ кунӗ ячӗпе тӑватӑ кун – майӑн 6-мӗшӗнчен пуҫласа 9-мӗшӗччен уявсем пулӗҫ.
Виҫӗ кун канмалли кунсем пире Ураза-байрама (апрелӗн 21-23-мĕшĕсем), Çуркуннепе Ĕҫ кунӗ (апрелӗн 29-мӗшӗнчен пуçласа майӑн 1-мӗшӗччен), Раҫҫей кунӗ (июнӗн 10-12-мӗшӗсем) тата Халӑх пӗрлӗхӗн кунӗ (ноябрӗн 4-6-мӗшӗсем) кӗтеҫҫӗ.
Эрне варринче пӗр канмалли кун пуш уйӑхӗн 8-мӗшӗнче (Пӗтӗм тӗнчери хӗрарӑмсен кунӗ), июнӗн 28-мӗшӗнче (Курбан-байрам), октябрӗн 11-мӗшӗнче (Республика кунӗ) пулать.
"Башинформ" информацийĕпе.