Уфа Пушкӑртстанăн пĕрремĕш президенчӗпе Муртаза Рахимовпа сывпуллашрĕ

Республикӑн тӗп хулинче траур церемонийӗ иртнĕ.
Иртенпех Уфара, "Башкортостан" патшалӑх концерт залӗнче республика президенчӗпе Муртаза Рахимовпа сывпуллашу церемонийӗ пырать, "Башинформ" пӗлтерет. Сывпуллашас текенсен черечĕ ӳссе пырать, ҫынсем питӗ нумай. Церемоние Пушкӑрт пуҫлӑхӗ Радий Хабиров мӑшӑрӗпе, Уфа экс-мэрĕ Ирек Ялалов, çавӑн пекех Тутарстан пуҫлӑхӗ Рустам Минниханов та ҫитнӗ. Сывпуллашнисен шутĕнче пирĕн район çыннисем те пулнă.
"Башкортостан" ГКЗ сцени ҫинче Муртаза Рахимов тупӑкӗ умне хисеплӗ хурал тӑратнӑ, республикăн пĕрремĕш президенчӗпе сывпуллашма пурте пултарнă.
"МГ" информацийĕпе.
Сӑнӳкерчӗкӗ: Артур Зариповăн телеграм-каналĕ.