Радий Хабиров чӑн-чӑн патриотсем ҫинчен каласа панă

Пушкӑрт Республикин Пуҫлӑхӗ Уфари Раҫҫей МВД юридика институтӑн 50-мӗш специалисчӗсене кӑларасси ҫинчен социаллă сетьсенче каласа панӑ. Ҫамрӑк ҫынсем чӑн-чӑн патриотсем пулса тӑраҫҫӗ, часах право йӗркине хӳтӗлеме тытӑнаҫҫӗ.

Институтӑн историйӗ пуян. Ку вăл МВД тытӑмӗнчи вӗренӳ заведенийӗсенчен пӗри, кунта профессорсен вӑйлӑ составӗ тата питӗ лайӑх традицисем. Паян кунта преступниксемпе кӗрешекенсене, право хуралӗн компетентлӑ сотрудникӗсене хатӗрлеҫҫӗ. Вӗренсе тухакансенчен нумайӑшӗ халӗ Тӑван çӗршыва ятарлӑ ҫар операцинче хӳтӗлеҫҫӗ.

Кӑҫал институтран вӗренсе тухакансем 204 ҫамрӑк офицер пулса тӑнӑ. Вӗсенчен нумайӑшӗ пирӗн республикӑра службӑна малалла тӑсаҫҫӗ. Вӗсем пурте хӑйсен професси тивӗҫне чыслӑн пурнӑҫласса шанатӑп.