Пушкӑртран СВО зонине автомобильсемпе тепловизорсем тиенӗ гумконвой ҫитнӗ

 

Пушкӑртран ятарлӑ ҫар операцийӗн зонине черетлӗ гуманитари конвойӗ ҫитнӗ. БСТ телеканал пӗлтернӗ тӑрӑх, республикӑри ҫар ҫыннисене автомобильсем, электрогенераторсем, тепловизорсем, аккумуляторсем, ҫавӑн пекех ача-пӑча ҫырӑвӗсемпе харпăр хăй уйрăм посылкӑсем илсе килнӗ.

Гуманитари тиевне Стерлитамак районӗнчи ҫынсем, волонтерсем тата предпринимательсем хатӗрленӗ. Пурлӑха боецсене Стерлитамак район администраци пуҫлӑхӗ Рита Самигуллина хӑй панӑ. Вӑл боецсен дислокацийӗ пулнӑ вырӑна ҫитсе вӗсене муниципалитет ялавӗсем парнеленӗ.

"Ачасем питӗ кӑмӑллӑ. Чи кирли - Ҫӗнтерӳпе таврӑнасси тата эпир вӗсене чăннипе те пулӑшасса пӗлни", - тесе палӑртнă Рита Самигуллина.

Сӑнӳкерчӗкĕ: видео скриншочӗ.