Владимир Соловьев: Военкорсене пулӑшма Пушкӑрт опычӗпе усӑ курмалла

 

Республикӑри ҫар журналисчӗсене патшалӑх пулӑшӑвӗ ҫинчен калакан саккун, регион Пуҫлӑхӗ Радий Хабиров пуҫарнипе туса хатӗрленӗ тата ӗнер ПР Патшалăх Пухӑвӗ йышӑннӑскер, ҫӗршыв медиа уйĕнче кӗтекен реакцие чӗнтернӗ. Пушкӑртра ҫакӑн пек документ тухнине Раҫҫей журналисчĕсен Союзӗн председателӗ Владимир Соловьев та хакланӑ.

«Пушкӑртстан ҫар журналистикин ветеранӗсем ҫинчен калакан саккуна йышӑннӑ ҫӗршывӑн пӗрремӗш регионӗ пулса тӑчӗ. Журналистсен союзӗ, паллах, ҫак решение ырлать. Эпир Цифра аталанӑвӗн министерствипе, информаци политики енӗпе ĕҫлекен Патшалӑх Комитечӗпе пӗрле ҫак ҫӗнӗ статус валли нормативсем туса хатӗрлерӗмӗр. Сӗнӗве оборона министерствинче те ырланӑ», - пӗлтернӗ «Башинформ» агентство корреспондентне Владимир Соловьев.

 

Ун пек закон ҫӗршывӑн пӗр регионӗнче те ҫук-ха. РФ журналистсен Союзӗн председателӗ ҫак пӗлтерӗшлӗ саккун çĕнĕлĕхĕ ҫитес вӑхӑтра «Раҫҫей Федерацийӗн ытти субъекчӗсенче те, унтан — Пӗтӗм Раҫҫейре те курӑнӗ» тесе шанать.

 

Сăнÿкерчĕкĕ: РФ журналистсен Союзӗ.