Путин Владивостокра ҫамрӑксен сленгне алла илнӗ: «чилловая катка» тата «кринж»

 

#владимирпутин

Владивостока кайса килнӗ май Раҫҫей Президентне Владимир Путина хальхи ҫамрӑксен сленгне кӑтартнă. Ҫак паллашупа ҫыхӑннӑ видеона хӑйӗн телеграм-каналӗнче Ольга Скабеева журналист пичетлесе кӑларнӑ.

Интерактивлӑ вӑйӑ вӑхӑтӗнче президента «чилловая катка», «гайз», «полный кринж» тата «траблы» сӑмах ҫаврӑнӑшӗсене литература чӗлхипе мӗнле улӑштармаллине кӑтартнă. Ятарлӑ стенд ҫинче сленга автоматика тӗрӗс литература аналогӗсене куҫарнӑ.

 

Патшалӑх пуҫлӑхӗ килсе кайни Хӗвелтухӑҫ экономика форумне хутшӑннипе ҫыхӑннӑ. Вăл Лӑпкӑ Океан флочӗн тинӗс пехотин 155-мӗш бригадин музейне те ҫитсе курни паллӑ.

 

Сăнÿкерчĕкĕ: видео кадрӗ.