Пӗтӗм тӗнчери пурнӑҫ кунӗ тĕлне

 

Пишпÿлекри «Улыбка» ача сачӗн «Гномики» кӗҫӗн ушкӑнри ачасем «Пурнӑҫ кунӗ» ятлă кӑсӑк ҫулҫӳреве кӗрсе ӳкнĕ. Пӗтӗм тӗнчери пурнӑҫ кунӗ - пурнӑҫ пӗлтерӗшне, унӑн хӑйне евӗрлӗхӗпе черченлӗхне тимлеме пулӑшакан пуҫару. Вӑл кашни ҫынна хӑйӗн пурлӑхӗн хаклӑхӗ ҫинчен, ҫавӑн пекех ытти ҫынсен, чӗрчунсен тата пӗтӗм ҫутҫанталӑкӑн пурнӑҫне хисеплеме, хӳтӗлеме кирли ҫинчен аса илтерме тивӗҫ.

Тӗлӗнмелле мероприятире ашшӗ-амӑшӗпе ачисем пӗрле «пурнӑҫ» пек пысӑк пӗлтерӗшлӗ ӑнлав пирки хӑйсен шухӑш-туйӑмӗсене пӗлтернӗ. Кисточкӑсемпе сӑрӑсем тытса ҫитӗннисемпе пӗчӗккисем пысӑк пир ҫине ассоциацисем ӳкерсе задани патне пултарулӑхпа пынă. Кашни хутшӑнакан пурнӑҫ пӗлтерӗшне хӑйӗн ӑнланӑвне ҫутӑ сӑнарсемпе символсем урлӑ пӗлтернӗ. Пӗчӗк ачасен архиври сӑнӳкерчӗкӗсемпе пайланас йӑлине уйрӑмах тимленӗ.

Асӑннӑ мероприяти ҫемьери ҫыхӑнусене ҫирӗплетме, пӗчӗккисен пултарулӑхне аталантарма, хутшӑнакансем хушшинче савӑнӑҫпа ӑшӑлӑх атмосферине йӗркелеме май панӑ тата нумайӑшне ҫемьери сӑнӳкерчӗксен архивӗсене тепӗр хут пӑхса тухма, пепке ҫут тӗнчене килнӗ телейлӗ тапхӑра тепӗр хут аса илме хавхалантарнӑ, пурнӑҫ вӑл - ҫуралсан илнӗ хаклӑ парне-ҫке! Ҫак уйрӑм кун ачасен телейлӗ куҫӗпе тата аслисен ӑшӑ аса илӗвӗсемпе чылайччен юлĕ.

Пӗтӗм тӗнчери пурнӑҫ кунӗ вӑл -  пирӗн пӗчӗккисен малашлӑхӗ лайӑх пуласса ҫутӑ шанӑҫпа шанчăк палли!

#деньзаднем

#работасродителями

#родительскоепросвещениеРБ

#просвещениеродителейРБ

#УлыбкаБижбуляк

 

Сăнÿкерчĕкĕсем: Пишпÿлекри «Улыбка» ача сачӗн социаллă сетьри страницинчен.