Радий Хабиров Пушкӑртстан правительствин тухӑҫлӑ ӗҫне палӑртнӑ

Радий Хабиров ЦУРти оперативлӑ канашлура правительство командине ӗҫленӗшӗн тав тунӑ. Регион ертӳҫи ҫӑмӑл мар условисене пӑхмасӑр республикӑн 2025 ҫул пӗтӗмлетӗвӗсем тӑрӑх тӗп макроэкономика кӑтартӑвӗсем лайӑх пулнине палӑртнă.

«Ӳсӗме ВРП та, инвестицисем те, бюджет та кӑтартрӗҫ, эпир вӑраха кайнӑ дефицит тӳсетпӗр пулин те. Тӑкаксем пирӗн ытла та пысӑк. Ҫавӑнпа правительство пӗтӗмӗшле йӗркеллӗ те тухӑҫлӑ 2025 ҫул ӗҫленӗ. Хисеплӗ ӗҫтешсем, эпӗ сире тепӗр хут тав тӑватӑп. Анчах лаврсемпе киленме вӑхӑт ҫук, малалла ӗҫлетпӗр», — тенӗ Радий Хабиров.

Аса илтеретпӗр, иртнӗ эрнере ПР Патшалӑх Пухӑвӗн – Курултайӗн ларӑвӗнче Андрей Назаров премьер-министр правительствӑн 2025 ҫулхи ӗҫӗн тӗп пӗтӗмлетӗвӗсемпе паллаштарнă.

Сӑнӳкерчӗкĕ: Олег Яровиков | «Башинформ» ИА.

https://www.bashinform.ru/