Путин Карпов шахматиста 75 ҫулхи юбилейпе саламланӑ

#владимирпутин

Раҫҫей президенчӗ Владимир Путин РФ Шахмат Федерацийӗн хисеплӗ президентне, тӗнче чемпионне Анатолий Карпова 75 ҫул тултарнӑ май салам янӑ. Телеграмма ҫу уйӑхӗн 23-мӗшӗнче Кремль сайтӗнче пичетленнӗ.

Патшалӑх пуҫлӑхӗ Карповӑн обществӑпа вӗрентӳ ӗҫ-хӗлӗн пӗлтерӗшне палӑртнă.

«Хальхи вӑхӑтри чаплӑ гроссмейстерсенчен пӗри, эсир ҫӗршыври шахмат шкулӗн чаплӑ йӑли-йӗркине тивӗҫлипе малалла тӑсрӑр. Сирӗн шутӑрта — вӑйлӑ та ятлӑ-сумлӑ тупӑшакансемпе кӑткӑс, хӗрӳ те илӗртӳллӗ тытӑҫусем, илемлӗ те ӗнентерӳллӗ ҫӗнтерӳсем сахал мар», — тесе палӑртнӑ Кремль телеграмминче.

Патшалӑх пуҫлӑхӗ юбиляра ырӑ сывлӑх, мӗнпур ырлӑх суннă.

Сӑнӳкерчӗкĕ: ТАСС/Павел Селезнев.

https://iz.ru/2102474/2026-05-23/putin-pozdravil-shakhmatista-karpova-s-75-letnim-iubileem