Пушкӑртра Вырӑнти пуҫарусене пулӑшмалли программӑпа суйлава вӗҫленӗ

Пушкӑртстан Пуҫлӑхӗ Радий Хабиров Вырӑнти пуҫарусене пулӑшмалли регионти программа шайӗнче черетлӗ конкурс суйлавӗ вӗҫленни пирки пӗлтернӗ.
Радий Хабиров хӑйсен проекчӗсене пурнӑҫлама укҫа-тенкӗ илекен 618 ҫӗнтерӳҫе палӑртнине пӗлтернӗ, вӗсенчен 223 – хуласенче, 395 – республикӑри районсенче.
Регион Пуҫлӑхӗ кӑҫал республика бюджетӗнчен ҫак тӗллевпе 600 миллион тенкӗлӗх субсиди янине уҫӑмлатнă. Ҫак укҫа-тенкӗ, унчченхи пекех, тӗрлӗ пуҫарӑва пурнӑҫа кӗртме каяссине ӑнлантарнă вӑл – ҫулсене юсассинчен тата тирпей-илем кӗртессинчен пуҫласа вӗрентӳ, культура тата спорт учрежденийӗсене тивӗҫтересси таранах. Радий Хабиров проектсене муниципалитетсем, ҫавӑн пекех ҫынсем тата спонсорсем хӑйсем пӗрле укҫа-тенкӗ уйӑрнине те аса илтернӗ.
https://mgazeta.com/news/novosti/2026-05-26/v-bashkirii-zavershen-otbor-po-programme-podderzhki-mestnyh-initsiativ-4700360