+28 °С
Пӗлӗтлӗ
Общество
28 Июлӗн , 08:40
Радий Хабиров Республикӑри МФЦ сечӗн ӗҫне пысӑка хурса хакланӑ
Пушкӑртстан Пуҫлӑхӗ Радий Хабиров «Мои Документы» Нумай функциллӗ центрсен ӗҫченӗсене професси уявӗпе саламланӑ.
Радий Хабиров Республикӑри МФЦ сечӗн ӗҫне пысӑка хурса хакланӑ
Пушкӑртстан Пуҫлӑхӗ Радий Хабиров «Мои Документы» Нумай функциллӗ центрсен ӗҫченӗсене професси уявӗпе саламланӑ, МФЦăн республикӑри сечӗ ҫӗршыври чи пысӑк тата чи тухӑҫлисенчен пӗри пулнине палӑртнӑ.
«МФЦ пӗрремӗш офисӗ Пушкӑртстанра 2012 ҫулта уҫӑлнӑ, халӗ эпир вӗсемсӗр мӗнле пурӑннине куçумне ÿкерме те йывӑр. Кунсерен кунта 10 пине яхӑн заявлени ҫыракана йышăнаççĕ, ĕçлеме тытăннă вӑхӑтранпа специалистсем 67 миллион ытла ҫӑхав йышăннă», — палӑртнă Радий Хабиров.
Регион пуҫлӑхӗ ятарлӑ ҫар операцийӗн боецӗсене тата вӗсен ҫемйисене пулӑшассине уйрӑмах пусӑм тунӑ. МФЦ офисӗсенче вӗсем валли 69 тӗрлӗ пулӑшу пур, ҫавӑн пекех персоналлӑ информаци сервисӗ ӗҫлет. Радий Хабиров пулӑшу мерисене хатӗрленӗ чухне шӑпах Пушкӑртстан ҫӗршывра чи малтан комплекслӑ ыйту практикине ӗҫе кӗртнине, ҫак ӑнӑҫлӑ опыта РФ Оборона министерстви федераци шайӗнче усӑ курма алла илнине аса илтернӗ.
Сотрудниксен ҫӑмӑл мар ӗҫне хисеплесе республикӑра пӗлтӗр «Пушкӑртстан Республикин МФЦăн тава тивӗҫлӗ ӗҫченӗ» хисеплӗ ят йӗркеленĕ, вӗсемпе ҫулсерен чи лайӑх специалистсене хавхалантараҫҫӗ. Регион пуҫлӑхӗ ҫавӑн пекех влаҫсем центрсем ӗҫлеме тивӗҫлӗ условисем туса парассине шантарнӑ.
Радий Хабиров Республикӑри МФЦ сечӗн ӗҫне пысӑка хурса хакланӑ
