Граждансен шанӑҫне тӳрре кӑлараҫҫӗ

Пишпÿлек ялӗнчи МФЦ уйрăмĕн ӗҫченӗсем районта пурӑнакансене патшалӑх пулӑшӑвне май килнӗ таран ансат тата ункайлă тумалли вăрттăнлăхсене ӑнланма пулӑшаҫҫӗ.

Патшалӑх пулӑшӑвӗн центрӗсен пӗтӗм ҫӗршыв масштабӗпе анлӑ сетьне 2011 ҫулта РФ Президенчӗн Указне алӑ пусса йӗркелеме пуҫланӑ. Ун чухне республикӑри «Пушкӑртстан Республикин патшалӑх тата муниципалитет пулӑшӑвӗсене паракан нумай функциллӗ центр» патшалӑх автономи учрежденийӗ йӗркеленнӗ. 15 ҫул тăршшĕнче Пушкӑртстанри МФЦ сечӗ палӑрмаллах анлӑланнă. Вӑл 77 офисран, территорипе уйрӑм 46 подразделенирен тата вырăнсене тухса ҫӳрекен 366 пунктран тӑрать. Кашни кун 1200 ытла универсаллӑ специалиста 10 пине яхӑн заявлени паракана йышӑнать, 15 ҫул хушшинче вара ҫак центрсен ӗҫченӗсем 67 миллион ытла ҫӑхав пӑхса тухнӑ ӗнтӗ.

— Йышӑннӑ кашни заявлени тата ҫырса хатӗрленӗ кашни пулӑшу хыҫӗнче пирӗн сотрудниксен пысӑк профессионализмӗ тата вӗсен ҫынсене пулӑшас чун-чӗререн ӗмӗтленни тӑрать. Вӗсем ҫакӑнпа граждансен шанӑҫне тӳрре кӑлараҫҫӗ. Ҫавӑнпа район ҫыннисем МФЦ специалисчӗсене пурнӑҫри чи пӗлтерӗшлӗ ыйтусене татса пама шанаҫҫӗ, — тет МФЦ РГАУ Пишпӳлекри уйрӑмӗн заведующийӗн тивӗҫӗсене пурнӑҫлакан Венера Ахметгареева, асӑннӑ офисра 2016 ҫултанпа ӗҫлет. — Пишпÿлек ялӗнчи «Манӑн документсем» районти патшалӑх тата муниципалитет пулӑшӑвӗсен центрӗ граждансен ырлӑхӗшӗн вунă ҫул ытла ӗҫлет ӗнтӗ. Ҫак хушӑра «Манӑн документсем» вырӑнти филиал миллиона яхӑн ыйту йышӑннӑ. Пин-пин ҫемье кунта кирлӗ документсем хатӗрленӗ, палӑртнӑ ҫӑмӑллӑхсемпе пулӑшу илнӗ, патшалӑх пулӑшӑвӗсен вак-тӗвекне тишкернӗ. Ҫавӑнпа та пирӗн МФЦ хутсемпе заявленисене йышӑнмалли вырӑн кӑна мар, яланах пулӑшма хатӗр чӑн-чӑн ӗҫ площадки пулса тӑнă. Кунта цифра сервисӗсемпе мӗнле усӑ курмаллине юрӑхлӑ формӑпа ӑнлантарса парӗҫ, тӳлевсене мӗнле ҫырмаллине ӑнлантарӗҫ, ҫӗнӗ правилӑсене ӑнланма пулӑшӗҫ тата ытти те.

Венера Ахметгареева палӑртнӑ тӑрӑх, нумай функциллӗ центр аталанса пырать. Кунта ҫӗнӗ цифра сервисӗсене ӗҫе кӗртеҫҫӗ, пулӑшу ӗҫӗсен переченӗ анлӑланать, пулӑшу пахалӑхӗ лайӑхланать. Анчах чи кирли улшӑнмасть — заявлени ҫыракансене тимлӗх уйӑрни, уҫӑ пулни тата патшалӑх пулӑшӑвӗсене районти халӑхӑн анлӑ сийӗсене май килнӗ таран ансат, ӑнланмалла тата юрӑхлӑ тума тӑрӑшни.

— Пишпӳлек районӗнче МФЦ РГАУ филиалӗ 2015 ҫулта декабрӗн 15-мӗшӗнче уҫӑлнӑ. Ку документсене хӑвӑрт та пахалӑхлӑ тирпейлес енӗпе ял ҫыннисемшӗн паллӑ пулӑм пулса тӑчӗ, — тет Венера Данисовна. — Мобильлӗ пысӑках мар коллектив вунӑ ҫул ӗҫленӗ тапхӑрта эпир хамӑрӑн тӳрӗ кӑмӑлпа ӗҫлесе чылай кӑтартупа хӑш-пӗр ырӑ кӑтартусем тума пултартӑмӑр. Ҫакна Пишпÿлек район территорийӗнче патшалӑх тата муниципалитет пулӑшӑвӗсем памалли тытӑма лайӑхлатас тӗллевсене татса парас ӗҫре яваплӑ пулнӑшӑн район администрацин тав ҫырӑвӗсем ҫирӗплетеҫҫӗ. Пирӗн ПР Правительствинчен те тав ҫырӑвӗсем пур. Ҫулсерен эпир «Пилӗк е сахалрах чӳречеллӗ патшалӑх тата муниципалитет пулӑшӑвӗсене паракан чи лайӑх МФЦ» республика конкурсӗнче призерсем пулса тӑратпӑр. 2020 тата 2024 ҫулсенче пире стелӑсемпе чысларӗҫ. Пире темиҫе хутчен те вымпелсемпе, кубоксемпе чысларӗҫ. Пушкӑртстанри нумай функциллӗ центрсем 15 ҫул тултарнине уявланӑ ятпа район администрацин Хисеп грамотипе МФЦ уйрӑмне уҫнӑранпа малашнехи тӗрӗслев секторӗн тӗп специалисчӗ пулса тӳрӗ кӑмӑлпа ӗҫлекен Зоя Николаевна Егорована чысларĕç. Августра пире ПР Çӗр тата пурлӑх хутшӑнӑвӗсен министерствин Хисеп грамотипе палӑртрӗҫ. Пӗр сӑмахпа, пирӗн пӗтӗм коллектив граждансен тата районта пурӑнакансен ырлӑхӗшӗн ӑнӑҫлӑ ӗҫлеме тӑрӑшать. Заявлени ҫыракансен мӗнпур ыйтӑвне хӑвӑрт тата лайӑх татса пама тӑрӑшатпӑр.

Владимир СМОЛОВ.

Сӑнӳкерчӗкӗсем: Владимир Смолов.