Владимир Путин: хӗрарӑмсене ӗҫе тата ҫемьене пӗрлештермелли условисем туса памалла

Хӗрарӑмсем ҫемьепе професси пултарулӑхӗн суйлавӗ умне тухмалла мар, тенĕ Раҫҫей Президенчӗ Владимир Путин Еврази хӗрарӑмӗсен виҫҫӗмӗш форумне уҫнӑ ҫӗрте.

Форумӑн тӗп теми – "Хӗрарӑмсем: ҫӗнĕ чăнлăхри глобаллӑ мисси", пӗлтерет Кремль пресс-служби. "Хальхи условисенче хӗрарӑмӑн йышӑну тумалла мар: е ача-пӑча, ҫемье, е хӑйне профессинче пурнӑҫлани", — тенӗ Владимир Путин, пирӗн ҫӗршывра влаҫ органӗсенче хӗрарӑмсем нумай пулнине тата предприниматель ҫитӗнӗвӗсен паллă историйӗсене палӑртнă. Раҫҫей лидерӗ каланӑ тӑрӑх, вӗсем хӑвӑрт ӳсекен креативлӑ индустри секторӗнче — 58 процент ытла, ҫавӑн пекех Раҫҫей наукинче, унта хӗрарӑмсен тӳпи тӗпчевҫӗсен хушшинче 40 процента яхӑн.

Ҫавна май Раҫҫейре, патшалӑх пуҫлӑхӗ каланӑ тӑрӑх, "хӗрарӑм ача ҫуралнӑ хыҫҫӑн кирек хӑш самантра та хӑйӗн професси карьерине тума е ҫӗнетме пултартӑр тесе пӗтӗм майсем йӗркеленсе пыраҫҫӗ".

"Ача сачӗсенче тата яслисенче вырӑнсен юрӑхлӑхне ӳстерес тесе эпир нумай ӗҫлерӗмӗр. Паллах, кунта лару-тӑрӑва лайӑхлатас тесен тата ытларах тумалла. Ҫак ӗҫе малалла та туса тӑрӑпӑр, мӗншӗн тесен кашни конкретлӑ ҫемье ыйтӑвне татса памалла", — палӑртнӑ президент.

"МГ" информацийĕпе.

Сăнÿкерчекĕ: kremlin.ru сайт.