Путин Во Ван Тхыонга Вьетнам президенчӗн постне суйланӑ ятпа саламланă

#владимирпутин

Раҫҫей Президенчӗ Владимир Путин Во Ван Тхыонга Вьетнам лидер постне суйланӑ ятпа саламланӑ. Кун ҫинчен Кремльти официаллӑ сайтра пӗлтернӗ.

"Хисеплӗ Во Ван Тхыонг юлташ, Социализмлӑ Республика президенчӗн постне суйланӑ ятпа чӗререн саламлатӑп", - тенӗ публикацире.

Путин РФ тата Вьетнам хушшинчи хутшӑнусем туслӑхпа пӗр-пӗрне хисеплемелли йӑла-йӗркесем ҫинче никӗсленнине палӑртнă, патшалӑхӑн ҫӗнӗ пуҫлӑхӗн ӗҫӗ-хӗлӗ Раҫҫейпе Вьетнам партнерлӑхне ҫирӗплетме пулӑшасса шанать. Вӑл Ази-Лӑпкӑ Океан регионӗнчи хӑрушсӑрлӑхпа ҫирӗплӗхе тивӗҫтерес енӗпе пырать, тесе хушса хунă.

Раҫҫей Президенчӗ Вьетнам ӗҫтешне ӑнӑҫу, ҫирӗп сывлӑх тата ырлӑх суннă.

https://iz.ru/1477807/2023-03-02/putin-pozdravil-van-tkhyonga-s-izbraniem-na-post-prezidenta-vetnama

Сăнÿкерчĕкĕ: Global Look Press/Xinhua/VNA