Кремльте Путинпа Си Цзиньпин калаҫнă

#владимирпутин

Раҫҫей Президенчӗпе Владимир Путинпа КНР председателӗ Си Цзиньпин калаҫӑвӗ пуш уйӑхӗн 20-мӗшӗнче Кремльте вӗҫленнӗ.

Тӗлпулу 4,5 сехет ытла пынă. Ҫак калаҫусем вӑхӑтӗнче Си Цзиньпин Раҫҫейпе Китай пӗр-пӗринпе тачӑ ҫыхӑнса тӑрасса шаннӑ.

Путин хӑй те Си Цзиньпина КНР председателӗн постне суйланипе саламлама хавас тесе пӗлтернӗ.

Кунсӑр пуҫне Раҫҫей лидерӗ Украинӑри лару-тӑрӑва йӗркелесси çинчен Пекин планӗпе тӗплӗн паллашнӑ, Мускав калаҫма хатӗррине кӑтартнӑ. КНР председателӗ пуш уйӑхӗн 22-мӗшӗччен Раҫҫейре патшалӑх визичӗпе пулӗ.

Ытларикун лидерсем каллех тӗл пулаҫҫӗ те тулли формӑллӑ калаҫусем ирттереҫҫӗ.

https://iz.ru/1486110/2023-03-20/v-kremle-zavershilis-neformalnye-peregovory-putina-i-si-tczinpina

Сăнÿкерчĕкĕ: REUTERS/Pool/Sputnik/Sergei Karpukhin