Памфилова Путина президент удостоверенине панă

#владимирпутин

Кремльте Тӗп суйлав комиссийӗн председателӗ Элла Памфилова Раҫҫей Президентне Владимир Путина патшалӑх пуҫлӑхӗн суйлавӗнче ҫӗнтернӗ удостоверени панӑ.
Документ лакпа сӑрланӑ коробкӑра пулнӑ. Удостоверени ҫине икӗ пуҫлӑ ӑмӑрткайӑк ӳкерчӗкне тата "Раҫҫей Федерацийӗн Президенчӗ" тесе ҫырнӑ. Документра ятпа должноҫа кӑтартнӑ.
Путин та ЦИК сотрудникӗсене тав тунă.
"Ӗҫ кӑткӑсчӗ, эпӗ ҫакна ӑнланатӑп, анчах ҫӗршывшӑн, патшалӑхӑн шалти ҫирӗплӗхӗшӗн, уйрӑмах паян", - тенӗ суйланӑ президент.
Памфилова суйлав итогӗсем çакнашкал унччен пулман тесе каланă.
ЦИК пуҫлӑхӗ ҫак кампанире ырӑ сунманнисем "процеса килӗшӳсӗр хутшӑнни" тесе ҫырнине палӑртнӑ.
Вӑл комисси членӗсене те юнаса, хӑратса, шантаж тума хӑтланнипе тӗл пулнине палӑртнă.

Сӑнӳкерчӗкĕ: http://www.kremlin.ru/events/president/news/73866/photos/75703

https://ria.ru/20240416/putin-1940358250.html?in=t

материалĕсем тӑрӑх.