Владимир Путин Александр Вучичпа телефонпа калаҫнӑ

#владимирпутин

Калаҫу Серби президенчӗн пуҫарӑвӗпе пулнă.

Икӗ ҫӗршыв ертӳҫисем тӗнчери лару-тӑрӑва тата Раҫҫейпе сербсен малашнехи стратеги ӗҫтешлӗхӗн ыйтӑвӗсене сӳтсе явнӑ. Серби президенчӗ Александр Вучич Владимир Путина Раҫҫей газне ҫирӗп тăратнăшăн тав тунӑ. Вӗсем Серби экономикишӗн питӗ кирлӗ таварсем. Раҫҫейпе Серби энергетикӑра, нефтьпе газ тата атом отраслӗсенче ӗҫлеççĕ.

Хальхи вӑхӑтра Раҫҫейпе Серби ака уйӑхӗнче суту-илӳ, экономика тата ӑслӑлӑхпа техника ӗҫтешлӗхӗн правительствӑсен хушшинчи комитечӗн черетлӗ ларӑвне хатӗрленеҫҫӗ.

Ертӳҫӗсем çавӑн пекех Украина таврашӗнчи лару-тӑрӑва тата Ҫывӑх Тухӑҫри хирӗҫӗвӗн хальхи анлӑ эскалацине тӗплӗн сӳтсе явнă.

Сӑнӳкерчӗкĕ: Кремль пресс-служби.

https://mgazeta.com/news/novosti/2026-03-30/vladimir-putin-pogovoril-po-telefonu-s-aleksandrom-vuchichem-4632525