Радий Хабиров Жириновские Раҫҫее чикӗсӗр юратакан патриот тенӗ

Республика пуҫлӑхӗ Радий Хабиров ЛДПР председателӗ Леонид Слуцкий килсе кайнӑ май хӑнана Уфара саламланӑ, ӑна тата партин регионти уйрӑмне конструктивлӑ ӗҫленӗшӗн тав тунӑ.
Регион Пуҫлӑхӗ палӑртнӑ тӑрӑх, тӗрлӗ политика вӑйӗсем шутне кӗнӗ пулин те вӗсене чи кирли – Тӑван çӗршыва пулӑшасси, унӑн интересӗсене хӳтӗлесси тата ҫӗршыври мӗнпур ҫын ырлӑхӗшӗн ӗҫлеме тӑрӑшасси – пӗрлештерет. Радий Хабиров ҫавӑн пекех Раҫҫее чикӗсӗр юратакан Владимир Вольфович Жириновский патриот пулнине палӑртнă.
– Ҫак кунсенче Пушкӑртстанра вӑл ҫуралнӑранпа 80 ҫул ҫитнине халалланӑ савӑнӑҫлӑ мероприятисем иртеҫҫӗ. Питӗ шел, ҫӗршывшӑн ҫакӑн пек йывӑр вӑхӑтра вӑл пирӗнпе ҫук, – палӑртнă Радий Хабиров.
Уфара Владимир Жириновский ячӗллӗ урама уҫнӑ. Ҫӗнӗ 800 метрлӑ урам Ленинпа Дема районӗсен пӗрлешӗвӗнче вырнаҫнӑ. Ӑна йӗркелес шухӑша ЛДПР регионти уйрӑмӗ тӑратнӑ.
Уҫмалли церемонине Патшалӑх Думинчи ЛДПР фракцийӗн ертӳҫи Леонид Слуцкий килнĕ. Уфа Раҫҫейре Мускав хыҫҫӑн иккӗмӗш хула пулса тӑнӑ, унта ҫак Раҫҫей политикӗн ячӗпе хисепленекен урам пур.

Сӑнӳкерчӗкĕ: Радий Хабировӑн социаллă сечӗсем.

https://mgazeta.com/news/novosti/2026-05-21/radiy-habirov-nazval-zhirinovskogo-patriotom-bezgranichno-lyubyaschim-