Пушкӑртра пурӑнакансем канмалли кунсенче ултавҫӑсене 4 млн тенкӗ ытла куҫарнӑ

Иртнӗ канмалли кунсенче республикӑра пурӑнакансем каллех телефонпа тата онлайн-ултавҫӑсен парнисем пулса тӑнӑ. Право хуралӗн органӗсем пӗлтернӗ тӑрӑх, ултавран пӗтӗмӗшле сиен 4 миллион тенкӗрен иртнӗ.

Сӑмахран, Стерлитамакра 73 ҫулти пенсионеркăна прокуратурӑпа казначейство ӗҫченӗсем тесе паллаштарнӑ паллӑ мар ҫынсем шӑнкӑравланӑ. Харпӑрлӑх даннӑйӗсем тухнӑ тата хатӗрленсе пыракан ултава сирес сӑлтавпа усал шухӑшлӑ ҫынсем хӗрарӑма хӑйсен шутӗнчен 800 пин тенкӗ ытла куҫарма ӳкӗте кӗртнӗ.

Ҫав хулара пурӑнакан 90 ҫулти хӗрарӑмпа та ҫавӑн пек ӗҫ пулса иртнӗ. Тӗп банк тата право хуралӗн тытӑмӗсен представителӗсенчен килнӗ шӑнкӑрав пенсионеркӑна 370 пин тенке курьера пама ӳкӗтленӗ имӗш, «налук декларацине тултарма» тата «виҫҫӗмӗш сӑпатсенчен укҫа-тенкӗ упрама».

Уфара 40 ҫулти арҫын инвестицисем урлӑ ҫӑмӑл ӗҫлесе илме сӗннине ӗненнӗ. Пӗр платформӑра регистрациленнӗ хыҫҫӑн вӑл 2 миллион тенкӗ ытла укҫа хывнӑ. Тепӗр икӗ уйӑхран укҫа-тенке кӑларма хӑтланни ӑнӑҫсӑр пулнӑ — харпӑр кабинета кӗме чарнӑ. Ҫак схемӑпа 26 ҫулти уфимка 600 пин тенкӗсӗр тӑрса юлнӑ.

Тата тепӗр парне Уфари 75 ҫулти пенсионерка, ăна Пенси фончӗн тата вӑй структурисен ӗҫченӗсем тесе палламан ҫынсем шӑнкӑравланӑ. «Тивӗҫлӗ тӳлевсем илмелле» тата «ултавран сыхланмалла» сӑлтавпа хӗрарӑма 400 пин тенке «хӑрушлӑхсӑр счет» çине куҫарма ӳкӗте кӗртнӗ.

https://mgazeta.com/news/novosti/2025-10-13/zhiteli-bashkirii-za-vyhodnye-pereveli-moshennikam-bolee-4-mln-rubley-4425325